ಇತ್ತೀಚಿನ ಕಾರ್ಯಕ್ರಮಗಳು

ನವೆಂಬರ್ ೨೮, ೨೦೨೦ : ಅಂಗರಿಕೆ ಮಾಳಕ್ಕೆ ಮಕ್ಕಳ ಭೇಟಿ
ಏಳು ತಿಂಗಳ ನಂತರ ನವೆಂಬರ್ ತಿಂಗಳಿನಿಂದ ಮಕ್ಕಳ ಕಾರ್ಯಕ್ರಮವನ್ನು ಪುನರ್ ಆರಂಭಿಸಲಾಗಿದೆ. ಮಕ್ಕಳನ್ನು ಅಂಗರಿಕೆ ಮಾಳದಲ್ಲಿ ಸುತ್ತಾಡಿಸಿದ್ದು, ಅವರು ಬಳಸುವ ಹಲವಾರು ಹೂಗಳನ್ನು ಗುರುತಿಸಿದರು. ಹಾಡು ಹೇಳಿ ಖುಷಿಪಟ್ಟರು.

ನವೆಂಬರ್ ೨೩-೨೬ :
ಕುಶಲಕಲೆ ತರಬೇತಿ, ಶ್ರೀಮತಿ.ಮಿಸ್ಬಾ ವಡೆರಾ
ಕೋವಿಡ್ ಕಾರ್ಯಕ್ರಮದ ಭಾಗವಾಗಿ ನಾಗವಳ್ಳಿ ಗ್ರಾಮದ ಕೆಲವು ಯುವತಿಯರಿಗೆ ಕರಕುಶಲ ತರಬೇತಿಯನ್ನು ಆಯೋಜಿಸಲಾಗಿತ್ತು. ಸಂಪನ್ಮೂಲ ವ್ಯಕ್ತಿಯಾಗಿ ಶ್ರೀಮತಿ. ಮಿಸ್ಬಾ ವಡೆರಾ ಅವರು ತರಬೇತಿಯನ್ನು ನೀಡುತ್ತಿದ್ದು, ಇವರಿಗೆ ಗಾರ್ಮೆಂಟ್ ಇಂಡಸ್ಟ್ರಿಯಲ್ಲಿ ಹೊಲಿಗೆ ಮತ್ತು ಕರಕುಶಲ ಕಲೆಯಲ್ಲಿ ಹಲವಾರು ವರ್ಷಗಳ ಅನುಭವವಿದೆ. ಅವರು ಮಹಿಳೆಯರಿಗೆ ವೈಯಕ್ತಿಕವಾಗಿ ಮೂಲ ಕರಕುಶಲ ಕಲಿಕೆಗಳನ್ನು ಹೇಳಿಕೊಡುತ್ತಿದ್ದು, ಮಹಿಳೆಯರ ಕೌಶಲ್ಯಗಳ ವೃದ್ಧಿಗೆ ಸಲಹೆಗಳನ್ನು ನೀಡುತ್ತಾರೆ. ಈ ಕೆಲಸಗಳ ಮೂಲಕ ಸಿದ್ಧಪಡಿಸಿದ ಉತ್ಪನ್ನಗಳನ್ನು ಹೊನ್ನೇರು ಮೂಲಕ ಮಾರಾಟ ಮಾಡಲಾಗಿದೆ.

ನವೆಂಬರ್ ೦೪, ೨೦೨೦ : ಐಎಲ್‌ಪಿ ಒಕ್ಕೂಟದ ಭೇಟಿ
ಕೋವಿಡ್ ಬಿಕ್ಕಟ್ಟಿನಿಂದಾಗಿ ಆರು ತಿಂಗಳ ನಂತರ ಒಂದು ದಿನ ಐಎಲ್‌ಪಿ ಒಕ್ಕೂಟದ ಸಭೆಯನ್ನು ನಡೆಸಲಾಗಿದೆ. ಅವರ ಅನುಭವಗಳ ಹಂಚಿಕೆ ಜೊತೆಗೆ ಮುಂದೆ ಬರಲಿರುವ ಪಂಚಾಯಿತಿ ಚುನಾವಣೆ ಬಗ್ಗೆ ಚೆರ್ಚೆಯನ್ನು ಮಾಡಲಾಗಿದೆ. ಅವರನ್ನು ಅಂಗರಿಕೆ ಮಾಳಕ್ಕೆ ಕರೆದುಕೊಂಡು ಹೋಗಿ ಭೂಮಿಯ ಪುನಶ್ಚೇತನ ಕೆಲಸಗಳು, ಮಣ್ಣು, ಬೀಜ ಹಾಗೂ ಪರಿಸರ ವೈವಿಧ್ಯತೆಯ ಸಂರಕ್ಷಣೆಯ ಬಗ್ಗೆ ವಿವರವಾಗಿ ಹಂಚಿಕೊಳ್ಳಲಾಯಿತು.

ಅಕ್ಟೋಬರ್ ೧೪ ಮತ್ತು ೧೫ : ಅಂತರ ರಾಷ್ಟ್ರೀಯ ರೈತ ಮಹಿಳಾ ದಿನಚಾರಣೆ
ಈ ವರ್ಷ ಅಂತರ ರಾಷ್ಟ್ರೀಯ ರೈತ ಮಹಿಳಾ ದಿನಚಾರಣೆ ಭಾಗವಾಗಿ, ಮಹಿಳೆಯರ ಪಾತ್ರ, ಅವರ ಕೊಡುಗೆಗಳು ಮತ್ತು ಭೂ ಹಕ್ಕುಗಳ ಬಗ್ಗೆ ವಿಷಯಗಳನ್ನು ಹಂಚಿಕೊಂಡಿದ್ದು ವಿಶೇಷವಾಗಿತ್ತು. ಅಕ್ಟೋಬರ್ ೧೪ ಮತ್ತು ೧೫ ರಂದು ಪುಟ್ಟನಪುರ ಮತ್ತು ನಾಗವಳ್ಳಿ ಮಹಿಳೆಯರಿಗೆ ಮೊದಲಿಗೆ ಶ್ರೀಮತಿ. ಶಾರದ ಗೋಪಾಲ್ ಅವರು ರೈತ ಮಹಿಳೆಯರ ಪಾತ್ರ ಮತ್ತು ಹಕ್ಕುಗಳ ಕುರಿತ ಸಿದ್ಧಪಡಿಸಿದ ಕರಪತ್ರ ವಿತರಿಸಿ, ಚೆರ್ಚೆ ಮಾಡಿದೆವು. ಆ ಸಂದರ್ಭದಲ್ಲಿ ಮಹಿಳೆಯರು ಭೂಮಿ ಒಡೆತನಕ್ಕೆ ಸಂಬಂಧಿಸಿದಂತೆ ಹಲವಾರು ಸಮಸ್ಯೆಗಳನ್ನು ಎದುರಿಸುತ್ತಿರುವುದು ತಿಳಿಸಿದ್ದು, ಕೆಲವು ಸಲಹೆಗಳನ್ನು ನೀಡಲಾಗಿದೆ. ನಂತರ ಎಲ್ಲಾ ಮಹಿಳೆಯರು ಅಂಗರಿಕೆ ಮಾಳ ಸುತ್ತಾಡಿದ್ದು, ಅಲ್ಲಿನ ಬದಲಾವಣೆಗಳನ್ನು ನೋಡಿ ಆಶ್ಚರ್ಯ ವ್ಯಕ್ತಪಡಿಸಿದರು.

ಸೆಪ್ಟೆಂಬರ್ ೧೨, ೨೦೨೦ :
ತಾಯಿಂದರ ತೋಪು ಉದ್ಘಾಟನೆ, ಪ್ರಾಥಮಿಕ ಆರೋಗ್ಯ ಕೇಂದ್ರ, ನಾಗವಳ್ಳಿ
ನಾಗವಳ್ಳಿ ಮಹಿಳೆಯರ ಜೊತೆ ಚೆರ್ಚೆಸಿದಂತೆ, ಅವರೆಲ್ಲಾ ಕೂಡಿ ಕೈ ತೋಟ ಮಾಡುವ ಜವಾಬ್ದಾರಿ ತೆಗೆದುಕೊಂಡಿದ್ದರು. ಹಾಗಾಗಿ ನಾಗವಳ್ಳಿ ಪ್ರಾಥಮಿಕ ಆರೋಗ್ಯ ಕೇಂದ್ರದ ಸುತ್ತ ಸ್ವಚ್ಛಗೊಳಿಸಿ, ಕಟ್ಟಡದ ಸುತ್ತ ಗಿಡಗಳನ್ನು ಹಾಕಿದ್ದು, ಕೈ ತೋಟ ಸ್ಥಳದ ಸುತ್ತಲ್ಲೂ ಹಲವು ಗಿಡಗಳನ್ನು ಹಾಕಿದೆವು. ಪರಿಸರ ಕುರಿತ ಹಾಡುಗಳನ್ನು ಹಾಡಿ, ಯಾರ್‍ಯಾರು ಕೈ ತೋಟ ಮತ್ತು ಗಿಡಗಳ ನಿರ್ವಹಣೆ ಜವಾಬ್ದಾರಿ ತೆಗೆದುಕೊಳ್ಳಬೇಕು ಎಂಬುದರ ಬಗ್ಗೆ ಚೆರ್ಚೆ ಮಾಡಿದೆವು.

ಸೆಪ್ಟೆಂಬರ್ ೧೯, ೨೦೨೦ : ಸಮೃದ್ಧ ಕೈ ತೋಟ
ಈ ವರ್ಷ ಕೈ ತೋಟ ತುಂಬಾ ಸಮೃದ್ಧಿಯಾಗಿ ಬೆಳೆದಿತ್ತು. ಕೋವಿಡ್ ಕಾರಣದಿಂದಾಗಿ ಪ್ರತಿ ವರ್ಷದಂತೆ ಈ ವರ್ಷ ಬೀಜ ಮೇಳಾ ಕಾರ್ಯಾಕ್ರಮ ಮಾಡಲು ಸಾಧ್ಯವಾಗಲಿಲ್ಲ. ಆದರೆ ಸುನಿತಾ ರಾವ್ ಅವರು ಭೇಟಿ ನೀಡಿದ್ದು, ಕೈ ತೋಟ ನೋಡಿ ತುಂಬಾ ಖುಷಿಯಾಗಿ, ಮೆಚ್ಚುಗೆ ವ್ಯಕ್ತಪಡಿಸಿದರು. ಅವರನ್ನು ಒಳಗೊಂಡ ತಂಡದ ಸದಸ್ಯರ ಸಣ್ಣ ಸಾಕ್ಷ್ಯ ಚಿತ್ರವನ್ನು ಮಾಡಲಾಯಿತು.

ಜೂನ್ ೬ ಮತ್ತು ೭, ೨೦೨೦ :
ಮಣ್ಣು ಕುರಿತು ಎರಡು ದಿನಗಳ ತರಬೇತಿ
ಜೂನ್ ೬ ಮತ್ತು ೭ ರಂದು ಮಣ್ಣಿನ ಜೀವಂತಿಕೆ ಕುರಿತು ಎರಡು ದಿನಗಳು ತರಬೇತಿಯನ್ನು ಪುನರ್ಚಿತ್ ತಂಡದ ಸದಸ್ಯರು, ಕೆಲವು ರೈತರು ಹಾಗೂ ಕೆಲವು ಸಮಗ್ರ ಕಲಿಕಾರ್ಥಿಗಳಿಗೆ ನೀಡಲಾಗಿದೆ. ವಾಸು ಆಲಿಯಾಸ್ ಪಿ.ಶ್ರೀನಿವಾಸ್ ಅವರು ಸಂಪನ್ಮೂಲ ವ್ಯಕ್ತಿಯಾಗಿ ಆಸಕ್ತಿದಾಯಕವಾಗಿ ತರಬೇತಿ ನೀಡಿದ್ದು, ಮಣ್ಣನ್ನು ಅರ್ಥ ಮಾಡಿಕೊಂಡು, ನಿರ್ವಹಣೆ ಮಾಡುವುದನ್ನು ತಿಳಿಸಿಕೊಟ್ಟರು.

2019 ಕಾರ್ಯಕ್ರಮಗಳು
2018 ಕಾರ್ಯಕ್ರಮಗಳು
2017 ಕಾರ್ಯಕ್ರಮಗಳು